Lajmidites.com

Day: April 27, 2025

  • Mish në Krem Qumështi me Hudhra – Receta me Shije të Veçantë

    Mish në Krem Qumështi me Hudhra – Receta me Shije të Veçantë

    Kjo është një recetë elegante në pamje dhe me shije të mrekulleshme.

    Menjëherë sapo e provon shija fantastike që merr mishi nga kombinimi i salcës shoqëruar edhe me patate është me të vërtetë unike.
    Më poshtë do të ndiqni recetën, e cila kërkon pak kujdes nue përgatitje por që në përfundim të përfshin tërësisht me shijen e saj.
    Përbërësit

     500 gr mish qengji tul
    1 kokërr qepë e vogël
    4-5 patate mesatare
    3 lugë gjelle gjalpë
    1 lugë gjelle vaj ulliri
    Një lugë gjelle lëng limoni
    1 filxhan çaji qumësht
    4 lugë gjelle miell
    ½ l lëng mishi
    2 thelpinj hudhër
    Kripë
    Piper
    Majdanoz

    Përgatitja
    Si fillim, AgroWeb.org ju udhëzon të ndani mishin e qengjit në copa.
    Vendosni një tenxhere me vaj ulliri dhe një lugë gjalpë në zjarr.  Shtoni aty copat e mishit, kaurdisini për pak, shtoni qepën e grirë hollë dhe vijoni t’i kaurdisni.
    Shtoni kripë dhe ujë derisa copat e mishit të mbulohen por jo plotësisht.
    Lëreni mishin të ziejë derisa të zbutet dhe më pas largojeni nga tenxherja dhe vendoseni në një enë mënjanë.
    Në lëngun e mishit që po zjen vendosni patatet e prera në katër pjesë nëse janë mesatare dhe në gjashtë pjesë nëse janë të mëdha.
    Lërini të ziejnë për 10-20 minuta dhe më pas largojini edhe ato nga tenxherja dhe lërini mënjanë.
    Hiqeni tenxheren nga zjarri dhe ruajeni lëngun e mbetur për përgatitjen e salcës.
    Ndërkohë, në një tigan shtojmë gjalpin e freskët dhe pak vaj ulliri dhe e vendosim në zjarr.
    Më pas, AgroWeb.org ju udhëzon të shtoni miellin dhe pak kripë dhe ta skuqni derisa të zverdhet.
    Në vijim, shtoni qumështin dhe përzjeheni pa ndërprerje në zjarr shumë të ngadaltë derisa të trashet në formën e salcës.
    Kur salca të jetë gati shtojeni tek tenxherja ku keni lëngun e mishit, shtoni dhe edhe thelpinjtë e hudhrës të shtypur në grimca të vogla.
    Vendoseni në zjarr dhe përzjeheni derisa salca të jetë kremoze jo shumë e plotë por as jo shumë e lëngshme, në fund hidhini dhe lëngun e limonit.
    Kur ta servirni, vendosni copat e mishit në pjatë si dhe patate dhe sipër mbulojeni tërësisht me salcën e përgatitur. Spërkateni me majdanoz të grirë hollë dhe shijojeni./AgroWeb.org

  • Makarona me Gjalpë dhe Mish të Grirë – Shija e Thjeshtë që nuk Duhet Humbur

    Makarona me Gjalpë dhe Mish të Grirë – Shija e Thjeshtë që nuk Duhet Humbur

    Nëse doni makarona të thjeshta me mish pa përgatitur asnjëlloj salce atëhere jeni ne recetën e duhur.

    Sugjerimi i sotëm për ju janë makaronat me gjalpë dhe mish të grirë.
    Një shije sa e thjeshtë aq dhe e kërkuar nga të gjithë për veçantinë e saj.
    Makaronat tuaja me gjalpë tashmë mund të jenë shumë më interesante se më parë.
    Prandaj ndiqni këshillat e AgroWeb.org si t’i përgatisni ato në mënyrë perfekte.
    Përbërësit

    450 gr makarona
    2 lugë gjelle vaj
    1 qepë
    1 kg mish i grirë
    1 thelbi hudhër e grirë
    1 lugë gjelle gjalpë
    Kripë
    Piper

    Përgatitja
    Për të nisur me përgatitjen e kësaj recete si fillom vendosni një tigan të thellë me vaj në zjarr.
    Shtoni aty qepën e grirë hollë duke përzier herë pas here.
    Lëreni të skuqet për 4-6 minuta, derisa të marrë ngjyrë të artë.
    Më pas hiqni qepën nga tigani, lëreni mënjanë dhe po aty në tigan shtoni mishin e grirë.
    Gatuajeni mishin në zjarr mesatar derisa të jetë skuqur i gjithi duke shtusr dhe piper e kripë sipas dëshirës.
    Shtoni qepën e gatuar tek tigani ku ndodhet mishi dhe përzieni me sobë të fikur.
    Ndërkohë vini makaronat të ziejnë si zakonisht dhe sapo ato të jenë gatuar kullojini dhe ruani gjymën e ujit të tyre.
    Bëni kujdes të mos i zieni shumë ato pasi do t’i gatuani edhe më pas.
    Shtojini makaronat tek tigani ku ndodhet mishi, bashkë me gjalpin dhe ujin e zierjes së tyre që ruajtët më parë.
    Ndizni zjarri në nxehtësi mesatare dhe lërini të gatuhen duke i përzier herë pas here përreth 3 minuta.
    Më pas hiqeni nga zjarri dhe shërbejeni në pjata./AgroWeb.org

  • Byrek i Shpejtë në Tigan – Receta Surprizë për Amvisat

    Byrek i Shpejtë në Tigan – Receta Surprizë për Amvisat

    Petë, djathë i bardhë dhe spinaq është kombinimi përfekt, por bëhet akoma dhe më i mirë kur provoni recetën e radhës që AgroWeb.org ka për ju.

    Byreku në tigan, është një traditë e vjetër e kuzhinës së vendeve të lindjes.
    Në rastet kur nuk ju pritet shumë gjatë për të shijuar byrekun e pjekur në furrë, kjo recetë ju vjen në ndihmë.
    Mjaftojnë vetëm disa përbërës dhe në një kohë farë të shkurtër do të përgatisni një byrek shumë të shijshëm.
    AgroWeb.org ju sjell më poshtë hapat e thjeshtë që duhet të ndiqni përgatitjen e kësaj recete të thjeshtë krejt lehtë në shtëpi.
    Përgatitja e Byrekut në Tigan
    Përbërësit

    1 pako petë të gatshme
    100 g spinaq të freskët
    1 qepë e njomë
    Kopër
    100 g djathë i bardhë i thërmuar
    Kripë
    Piper i zi
    4 lugë gjelle me qumësht
    2 lugë gjelle me vaj ulliri

    Përgatitja
    Mjafton që t’i keni nxjerrë nga frigoriferi petët para se të nisni përgatitjen e recetës, kështu ato do të shkrijnë.
    Ndërkohë, AgroWeb.org ju udhëzon të shpëlani spinaqin me ujë të bollshëm dhe pasi ta keni tharë plotësisht me letër kuzhine priteni në copëza jo shumë të imta.
    Qepën e njomë duhet ta prisni në rrathë të vegjël, duke përfshirë dhe pjesën e gjelbërt. Grini dhe koprën dhe të dy përbërësit shtojani spinaqit.  Në fund shtoni dhe thërrimet e djathit të bardhë, kripë dhe piper sipas dëshirës.
    AgroWeb.org ju këshillon që të tregoni kujdes me kripën, duke qenë se djathi ka një sasi të saj.
    Petët duke qenë se janë të gatshme, thahen shumë shpejt duke e bërë byrekun jo shumë të butë. Kështu mjafton që t’i spërkasni me vaj ulliri dhe qumësht dhe ato do të jenë pothuajse si petët e përgatitura vetë.
    Në një tigan pak të madh të lyer me pak gjalpë dhe një lugë gjelle vaj ulliri vendosni petën e parë, spërkateni me qumësht dhe vaj, dhe më pas vendosni të dytën. AgroWeb.org ju këshillon që ato të jenë të kryqëzuara, kështu mbushja nuk do të derdhet.
    Nëse petët dalin nga tigani, mos i prisni pasi do të duhen për mbylljen e byrekut.
    Merrni dhe një petë tjetër dhe priteni në mes, dhe vendoseni përsëri duke e spërkatur secilën prej tyre me qumësht dhe vaj.
    Më pas hidhni gjysmën e mbushjes së përgatitur duke e përhapur në mënyrë të barabartë në të gjithë sipërfaqen e petës. Ndiqni përsëri hapat e mësipërm dhe për tre gjysmat e tjera të petëve.
    Shtoni dhe pjesën e mbetur të mbushjes, dhe vazhdoni të vendosni petët e tjera, duke mos harruar t’i spërkasni me qumësht dhe vaj.
    Në fund palosni petët që dalin nga anët e tiganit, duke i lyer me qumësht dhe vaj, kështu do të qëndrojnë të mbyllura kur byreku të skuqet.
    Me pjesën e mbetur të vajit dhe qumështit, lyeni dhe sipërfaqen e tij. Me ndihmën e një luge, shtypini pak anët e byrekut, në mënyrë që të marrin një formë rrethore.
    Skuqeni byrekun në zjarr të mesëm për 5-7 minuta nga secila anë, ose derisa të ketë marrë ngjyrën e artë.  Për të kthyer byrekun nga ana tjetër, mjafton të përdorni një pjatë të madhe të cekët.
    Vendoseni sipër byrekut dhe kthejeni duke treguar kujdes që të mos digjeni. Pastaj nga pjata kalojeni përsëri në tigan për ta skuqur dhe nga ana tjetër.
    Nëse e shikoni që byreku nuk është skuqur mjaftueshëm, kthejeni disa herë, derisa të arrijë ngjyrën dhe pjekjen e duhur.
    AgroWeb.org ju këshillon që zjarrin ta mbani relativisht shumë të ulët, kështu do t’i jepni kohë mbushjes për t’u bërë. Nëse zjarri është shumë i lartë, do të skuqen vetëm petët e byrekut, dhe brenda do të mbetet i pabërë.
    Ky byrek mund të përgatitet me mbushje të ndryshme. Nëse e preferoni vetëm me djathë të bardhë, me mish të grirë apo dhe me gjizë dhe vezë. Mjafton që të zëvendësoni produktet e mësipërme me ato që dëshironi.
    Ky byrek shoqërohet me kos të freskët ose dhallë, apo dhe sallata me perime të stinës./AgroWeb.org

  • A Duhet të Pish Vezë për një Organizëm Super të Fortë?

    A Duhet të Pish Vezë për një Organizëm Super të Fortë?

    Idea e pirjes së vezës mund të mos u pëlqejë shumë njerëzve, por vezët konsiderohen një prej ushqimeve më të plotfuqishme kundër plakjes.

    Përfitimet e pirjes së vezëve të pagatuara janë të larmishme.
    Sfida qëndron tek gjetja e vezëve organike, pra të prodhuara nga pula që janë ushqyer në fusha, në ferma natyrale.
    E vërteta është se gjatë gatimit, vezët humbasin disa ushqyes të nevojshëm për trupin.
    Veza ofron një spektër të gjërë por të balancuar përfitimesh siç janë proteinat, yndyrnat dhe ushqyesit.
    Përfitimet e Pirjes së Vezës 
    Veza përçon shumë energji për organizmin.
    Ajo tretet lehtë, falë enzimave natyrale që gjenden në të bardhën e saj.
    Nga të dhënat e Agroweb.org, pirja e vezëve forcon sistemin imunitar dhe kjo është shumë e rëndësishme për të qenë të mbrojtur nga shumë sëmundje.
    Shumica e njerëzve në ditët e sotme kanë pamjaftueshmëri proteinash dhe yndyrnash cilësore.
    Vezët e pagatuara janë të tejmbushura si me proteina ashtu edhe me yndyrna të mira.
    Pirja e dy ose tre vezëve organike në ditë do të pakësonte ndjeshëm gjasat e shfaqjes së sëmundjeve të rrezikshme.
    Vezët organike përmbajnë edhe niacin, riboflavin, biotinë, vitamina A dhe E, magnez, kalium, fosfor, mangan, hekur, jod, bakër, zink dhe sulfur.
    Të verdhat e vezës janë ndër të paktat ushqime që përmbajnë sasi të mëdha të vitaminës D që për disa ekspertë është më e rëndësishme edhe se vitamina C.
    Përfitimet potenciale që vijnë nga pirja e vezës përfshijnë:
    Përmirësimin e funksioneve të trurit
    Përmirësimin e ekulibrave hormonalë
    Përshpejtimin e metabolizmit
    Djegien e yndyrnave
    Forcimin e muskujve
    Rigjallërimin e organizmit
    Përmirësimin e qarkullimit të gjakut
    Përmirësimin e funksioneve të mushkërisë
    Forcimin e flokëve dhe thonjve
    Zbutjen e njollave të lëkurës.
    Sa duhen konsumuar?
    Sistemi imunitar do të reagojë menjëherë ndaj vezëve.
    Do të ndiheni më energjikë dhe në formë.
    Mund ta provoni me një vezë çdo ditë për një javë dhe më pas të rrisni dozën me dy.
    Vezët mund t’i përzieni me qumësht./AgroWeb.org 

  • Luhatjet e Peshës, Ndikimi i Rrezikshëm në Organizëm dhe Kujdesi që Ju Duhet

    Luhatjet e Peshës, Ndikimi i Rrezikshëm në Organizëm dhe Kujdesi që Ju Duhet

    Një studim i Universitetit të Mjekësisë në Stanford të Kalifornisë ka zbuluar se luhatjet e peshës mund të ndryshojnë profilin molekular të trupit në mënyrë drastike.

    Studimi të cilit i referohet AgroWeb.org tregon se shtimi në peshë dhe humbja e kilogramëve të tepërt në një hapësirë kohore të një muaji shkaktonte një ndryshim dramatik në gene, sistemin kardiovaskular, mikrobiomën dhe sistemin imunitar.
    Ekspertët thonë se ndryshimet më drastike ndodhin kur njeriu shton në peshë.
    Në një muaj, përmbajtja bakteriale e organizmit pëson ndryshime domethënëse.
    Në këtë hark kohor, aktivizohen linja molekulare që kanë lidhje të drejtpërdrejtë me sëmundjet e zemrës.
    Inflamacioni ndërkohë përhapet në trup në një ritëm më të përshpejtuar.
    Lajmi i mirë është se pasi njeriu humbet kilogramët e tepërt dhe kthehet në peshën normale, shumica e sistemeve kthehen në gjendjen fillestare.
    5 Efektet Anësore Të Luhatjes Së Peshës
    Kur njeriu humbet peshë, ritmi bazë i metabolizmit pëson një ulje.
    Kjo do të thotë se për çdo 10 përqind të masës së humbur trupore, njeriu duhet të konsumojë 20 përqind më pak kalori.
    Rënia nga pesha shoqërohet me ndryshime hormonale, sidomos ato të urisë që përfshihen në një situatë kaotike.
    Kësisoj, njerëzit që kanë humbur në peshë dhe më pas kanë shtuar sërish, ndihen më të uritur.
    Inflamacioni
    Shtimi në peshë shoqërohet me ndryshime genetike që prekin edhe mënyrën e përballjes me inflamacionin.
    Inflamacioni kronik luan një rol kritik në shfaqjen e sëmundjeve të rrezikshme si kanceri apo sëmundjet e zemrës.
    Kështu, luhatjet e peshës dhe inflamacioni përfshihen në një rreth vicioz të rrezikshëm.
    Depresioni
    Një studim i Universitetit të Oksfordit tregon se luhatjet e peshës në një hark kohor prej 12 vitesh rrisin gjasat e shfaqjes së depresionit.
    Ky rrezik është më i lartë pas rënies nga pesha.
    Sëmundjet e Zemrës
    Shtimi modest në peshë nxit ndryshime genetike që dëmtojnë zemrën.
    Disa prej ndikimeve janë afatgjatë të cilat vërehen edhe kur njeriu rifiton peshën e humbur.
    Mjafton një luhajte peshe prej 3 kilogramësh që rreziku i atakut në zemër apo ishemisë të dyfishohet.
    Rezistenca Ndaj Insulinës
    Ekspertët thonë se luhatjet e peshës shkaktojnë ndryshime të mikrobiomës.
    Këto ndryshime nxisin rezistencën ndaj insulinës, para-diabetin dhe diabetin e tipit 2.
    Luhatjet e peshës ndodhin gjithmonë, por më e mira është që njeriu të shmangë regjimet drastike që mund të shkaktojnë rënie apo shtim ekstrem të peshës.
    Njeriu duhet të ketë një peshë të shëndetshme trupore dhe të zbatojë një stil jetese po aq të shëndetshëm.
    AgroWeb.org ju këshillon të hani ushqime të shëndetshme, duke nisur me mëngjesin e bollshëm, drekën e plotë dhe darkë të lehtë.
    Konsumomi sa më shumë fruta dhe perime duke i kombinuar në gatime të ndryshme të shëndetshme.
    Ushtroni sa më shumë aktivitet fizik dhe konsultohuni me mjekun për probleme shëndetësore që keni duke marrë trajtimin e duhur.  /AgroWeb.org

  • A Mund të Shfaqen Shenjat e Para të Alzheimerit në Sytë Tuaj?

    A Mund të Shfaqen Shenjat e Para të Alzheimerit në Sytë Tuaj?

    Sytë janë më shumë se dritarja e shpirtit. Ato janë gjithashtu një reflektim i shëndetit të një personi.

    Disa okulistë thonë se përmes syve mund të arrihet të shihet drejtpërdrejt në sistemin nervor.
    Sipas tyre, një ditë mjekët mund të jenë në gjendje të përdorin testet e syve për të identifikuar rënien e aftësive njohëse menjëherë pasi kjo situatë të fillojë.
    Më poshtë AgroWeb.org ju njeh me zbulimin e ri, i cili duket mjaft shpresëdhënës për të ardhmen.
    A mund të dallohen shenjat e para të Alzheimerit nga sytë tuaj?
    Kërkimet kanë parë mundësinë se si syri mund të ndihmojë në diagnostikimin e sëmundjes së Alzheimerit përpara se të fillojnë simptomat.
    “Sëmundja e Alzheimerit fillon në tru dekada përpara simptomave të para të humbjes së kujtesës,” tha Dr. Richard Isaacson, një neurolog në Institutin për Sëmundjet Neurodegjenerative në Amerikë.
    Nëse mjekët janë në gjendje të identifikojnë sëmundjen në fazat e saj më të hershme, njerëzit mund të bëjnë zgjedhje të shëndetshme jetese dhe të kontrollojnë faktorët e rrezikut të tillë si presioni i lartë i gjakut, kolesteroli i lartë dhe diabeti.
    Çfarë zbuloi studimi?
    Studimi i fundit ekzaminoi indet nga retina dhe truri i 86 njerëzve me shkallë të ndryshme të rënies së aftësive njohëse.
    Studiuesit panë se disa ndryshime në retinë, lidheshin me ndryshimet në pjesët e trurit përgjegjëse për kujtesën, navigimin dhe perceptimin e kohës.
    Më pas studiuesit krahasuan të dhënat e mbledhura dhe zbuluan rritje të konsiderueshme në beta-amiloide, një shënues kryesor i sëmundjes së Alzheimerit.
    Këto qeliza janë përgjegjëse për riparimin dhe mirëmbajtjen e qelizave të tjera, nga truri e tek retina e svye.
    Gjetjet ishin gjithashtu të dukshme edhe te njerëzit pa simptoma ose me simptoma minimale, gjë që sugjeron se këto teste të reja të syve mund të ndihmojnë në diagnostikimin e hershëm.
    Studimi zbuloi se atrofia e indeve dhe inflamacioni në qelizat në periferinë e largët të retinës ishin parashikuesit e statusit kognitiv.
    Hulumtuesit u shprehën se këto gjetje mund të çojnë në zhvillimin e teknikave që na lejojnë të diagnostikojmë sëmundjen e Alzheimerit më herët dhe më saktë.
    E gjithashtu të monitorojmë përparimin e saj në mënyrë joinvazive duke parë përmes syrit./AgroWeb.org

  • Dhimbja e Kockave – Si Ndikon një Orë Ecje në Javë për Osteoartritin

    Dhimbja e Kockave – Si Ndikon një Orë Ecje në Javë për Osteoartritin

    Osteoartriti është një nga format më të zakonshme të artritit tek të rriturit dhe zakonisht tek moshat e moshuara.

    Veçanërisht osteoartriti i gjurit prek rreth 13% të njerzve mbi moshën 60 vjeç.
    Kjo shifër vjen duke u rritur me 40%në mosha më të mëdha.
    Duke qënë një problem që shkakton dhimbje dhe vështirësi në lëvizje, për pjesën më të madhe të njerzve zgjidhja e parë është operimi.
    Studime të reja kanë treguar se egzistojnë edhe mënyra më të lehta se si mund të kujdeseni për mos degradimin e osteoartritit.
    Për të mos i’u drejtuar operacioneve dhe qetësuesve të fortë mjafton të rrisni pak kohën që kaloni duke kryer aktivitete.
    Ekspertët thonë se aktiviteti i lehtë fizik si ecjet e shpejta të paktën një orë në javë mund të përmirësojnë simptomat e kësaj sëmundje.
    Studimi
    Studimi ku morën pjesë 1500 të rritur të cilët vuanin nga osteoartirti i gjurit zgjati për një periudhë 4 vjeçare.
    Gjatë kësaj kohe u mblodhën të dhena për aktivitetin e përditshëm të çdo pacienti.
    U vu re një përmirësim tek personat që kishin aktivitet gjatë ditës.
    Ecja për një orë në javë mund të ulë dhimbjen e kockave dhe simptomat e osteoartritit të gjurit me 85%.
    Të gjithë pjesëmarrësit në studim nuk kishin simptoma të degaduara të sëmundjes gjatë gjithë studimit.
    Me praktikimin e një orë ecje në javë, ata arritën të mbanin nën kontroll sëmundjen duke pakësuar edhe dhimbjen.
    Ndërsa pjesa e pjesëmarrësve që nuk zhvilluan asnjë aktivitet fizik patën probleme më serioze me osteoartritin gjatë viteve.
    Një orë aktivitet sportiv në javë ju jep mundësinë të përmirësoni jetesën tuaj me këtë sëmundje.
    Ekspertët thonë se ky zbulim i ri do të ndikojë edhe në jetën tuaj të përditshme.
    Duke filluar që nga e ecura në shtëpi, deri tek shëtitjet apo qëndrimi për një kohë të gjatë në këmbë.
    Zgjidhni të ecni 1 orë në javë apo 15 minuta çdo ditë, kjo mënyrë do t’ju ndihmojnë në mbajtjen nën kontroll të osteoartritit./AgroWeb.org

  • River Plate fiton superklasiken ndaj Boca Juniors, 17-vjeçari shënon një supergol që do ta mbajë mend gjatë

    River Plate fiton superklasiken ndaj Boca Juniors, 17-vjeçari shënon një supergol që do ta mbajë mend gjatë

    27 Prill 2025

    22:34

    Telesport

    River Plate ka fituar superklasiken ndaj Boca Juniors, e luajtur sonte në “Estadio Monumental” në Buenos Aires, ndeshje e vlefshme për javën e 15-të të kampionatit argjentinas, faza e parë.
    17-vjeçari Franco Mastantuono zhbllokoi rezultatin duke kaluar vendasit në avantazh në minutën e 25-të, pas ekzekutimit mjeshtëror të një goditjeje dënimi nga distanca. Ai bëhet lojtari më i ri që ka shënuar ndonjëherë në historinë e përballjes mes dy klubeve.
    Miqtë e drejtuar nga Fernando Gago barazuan shifrat në minutën e 37-të me Miguel Merentiel, i cili pasi mori një top të gjatë dhe përfitoi nga gabimi fatal i mbrojtësit të River, dërgoi topin në rrjetë.
    Gjithsesi, ekipi vendas i drejtuar nga Marcelo Gallardo gjeti sërish golin në fund të pjesës së parë dhe e mbylli atë në avantazh 2-1. Driussi shënoi me kokë pas një krosimi perfekt që mori nga shoku i skuadrës.
    Në pjesën e dytë, të dyja ekipet patën rastet e tyre por rezultati nuk ndryshoi deri në fund. Pas kësaj fitoreje, River Plate mban vendin e tretë me 28 pikë në Grupin B, ndërsa Boca Juniors mbetet e para në Grupin A me 32 pikë.
    SHIKOGOLAT

  • Napoli nuk zhgënjen ndaj Torino-s, fiton pa probleme, +3 pikë nga Inter! Atalanta ngec në shtëpi

    Napoli nuk zhgënjen ndaj Torino-s, fiton pa probleme, +3 pikë nga Inter! Atalanta ngec në shtëpi

    27 Prill 2025

    22:43

    Telesport

    Pas humbjes së Interit 0-1 ndaj Romës në drekë, Napoli i motivuar nuk zhgënjen dhe fiton 2-0 ndaj Torino-s në ndeshjen e javës së 34-të e zhvilluar në stadiumin “Diego Armando Maradona”.
    Scott McTominay ishte protagonist kryesor i takimit duke shënuar të dy golat që në pjesën e parë. I pari në minutën e 7-të pas asistit të Anguissa, ndërsa goli i dytë erdhi në minutën e 42-të, pas asistit të Politano-s. SHIKOGOLAT
    Shifrat nuk ndryshojnë në pjesën e dytë. Pas kësaj fitoreje, Napoli merr kryesimin i vetëm në Serie A dhe tani udhëheq me 3 pikë më shumë se Inter. Të dyja ekipet kanë edhe 4 “finale” për të luajtur.
    Në sfidën tjetër të luajtur në Bergamo, Atalanta barazoi 1-1 ndaj Lecce-s. Miqtë kaluan të parët në avantazh me penalltinë e ekzekutuar saktë nga Karlsson në minutën e 29-të. Atalanta barazoi shifrat po me penallti, në minutën e 70-të, ku Retegui u tregua i saktë. Rezultati përfundimtar 1-1. Atalanta mbetet e treta me 65 pikë, ndërsa Lecce në vendin e 17-të me 27 pikë. SHIKOGOLAT

  • Serie A, ja si ndryshon renditja pas ndeshjeve të sotme! Napoli arratiset, Juventusi rigjen veten por gara Champions mbetet e ndezur

    Serie A, ja si ndryshon renditja pas ndeshjeve të sotme! Napoli arratiset, Juventusi rigjen veten por gara Champions mbetet e ndezur

    27 Prill 2025

    22:56

    Telesport

    Napoli nuk fal dhe përfiton nga hapi fals i Interit. Skuadra e Contes merr kryesimin e Serie A dhe tashmë e sheh veten +3 pikë larg zikaltërve, me një kalendar që sheh klubin e De Laurentiis më të lehtë se sa ai i djemve të Inzaghit. Ka mjaftuar i zakonshmi “bomber” mesfushor, Scott McTominay, blerja e kërkuar me padurim nga Conte, që e pikasi si fuqizimin e duhur nga Manchester United duke investuar më shumë se 35 mln euro.
    Një dygolësh i tij (5 gola në 3 ndeshjet e fundit) kanë bërë që Napoli të mundë me lehtësi Torinon, sfidë e mbyllur që 45′ e para. Një fundjavë e Serie A që ka prodhuar edhe një garë ende të ndezur në zonën Champions, me Atalanta-n që ka gabuar në shtëpi ndaj Leçes, e cila ka marrë 1 pikë të rëndësishme dhe vazhdon shpreson te mbijetesa. Skuadra mike shënoi e para dhe më pas ishte Retegui që barazoi.
    Juventusi, ndërkohë, kthehet te fitorja dhe e bën duke mundur Monzan e rënë tashmë, me golat e Nico Gonzalez dhe të Kolo Muani, Yildiz doli me të kuq. Pikërisht duke iu përgjigjur fitores së Roma-s në San Siro ndaj Interit, me gol të Soule. Në garë janë gjithashtu edhe Fiorentina (edhe pse shumë e shkëputur ende) por sidomos Lazio dhe Bologna, që do të duhet të luajnë ditën e nesërme respektivisht ndaj Parma dhe Udinese.