Prokuroria pranë Gjykatës së Shkallës së Parë të Juridiksionit të Përgjithshëm Fier ka vendosur sekuestrimin e 15 pasurive të luajtshme dhe të paluajtshme, si edhe llogari bankare, në pronësi të shtetasve N.B., E.B. dhe familjarëve të tyre. Ata dyshohen për përfshirje në veprën penale “Pastrimi i produkteve të veprës penale ose veprimtarisë kriminale”, parashikuar nga neni 287 i Kodit Penal.Reklama në FieriWeb – “Oazi i Pishave”
Hetimet kanë nisur në kuadër të procedimit penal nr. 270 të vitit 2019, mbi bazën e referimit të Policisë së Fierit, pas dyshimeve se vlerat monetare të përfituara nga veprimtaria kriminale jashtë vendit ishin investuar në Shqipëri në formë pasurish të patundshme dhe të tundshme. Reklama në FieriWeb – “KETU MUND TE JETË REKLAMA JUAJ”
Mbi bazën e provave të administruara, Prokuroria regjistroi procedimin pasuror nr. 2, datë 13.11.2025, duke thelluar verifikimet mbi asetet dhe burimet financiare të familjes.Reklama në FieriWeb – “PASTIÇERI “RUSTEMAJ”
Reklama në FieriWeb – “BREGU CLIMA”
Gjatë hetimeve është dokumentuar se:Reklama në FieriWeb – “COVIM CAFFE”
N.B. është dënuar më 19.06.2017 nga Gjykata e Kurorës së Shrewsbury-t (MB) për prodhim të lëndëve narkotike.
E.B. është dënuar më 19.04.2024 nga Gjykata e Kurorës në Leeds (MB) për të njëjtën vepër penale.
Nga verifikimet financiare rezulton se pasuritë e krijuara nga të dy vëllezërit dhe familjarët e tyre nuk justifikohen me të ardhurat e deklaruara, duke ngritur dyshime të forta për origjinë kriminale të fondeve.
Pasuritë e sekuestruara me vendim të Gjykatës së Fierit:
Apartament 108.56 m², Yzberisht, Tiranë – në pronësi të N.B.
Garazh 18.04 m², Yzberisht, Tiranë – në pronësi të N.B.
Garazh, Yzberisht – në pronësi të E.B.
Apartament 69.11 m², Golem, Kavajë – në pronësi të E.B.
Njësi 136.1 m², Yzberisht – në pronësi të M.B.
Apartament 90.2 m², Yzberisht – në pronësi të M.B.
Garazh 25.33 m², Yzberisht – në pronësi të M.B.
Apartament 111.70 m², Yzberisht – në pronësi të Z.B.
Garazh 28.40 m², Yzberisht – në pronësi të Z.B.
Apartament 119.30 m², Tiranë – në pronësi të K.B.
Apartament 105.9 m², Yzberisht – në pronësi të L.B.
Garazh 24.60 m², Yzberisht – në pronësi të L.B.
Llogari bankare të E.B. deri në 205,029.41 euro.
Llogari bankare të K.B. deri në 100,000 euro.
Llogari bankare të J.B. deri në 63,000 euro.
Prokuroria Fier: Hetimet për pasuritë e paligjshme do vijojnë
Prokuroria deklaron se procesi hetimor ndaj rasteve të pasurimit të paligjshëm do të vijojë me intensitet, duke marrë masa për sekuestrimin dhe konfiskimin e çdo pasurie që rezulton e përfituar nga veprimtaria kriminale.