22 Maj 2025
10:44
Telesport
Teksa pret të kuptojë nëse e ardhmja e tij do të jetë ende me fanellën e kuqezinjve, Theo Hernandez do të rikthehet sot në grup dhe me shumë gjasa do të luajë në “San Siro”, të shtunën, për ndeshjen e fundit të kampionatit kundër Monza.
Ndërkohë që, Chukwueze dhe Bondo gjithashtu shpresojnë të jenë në dispozicion të trajneri Conceiçao kundër Monza. Edhe pse, kjo ndeshje nuk do të ketë shumë rëndësi për kuqezinjtë, tashmë jashtë Europës.
Walker, nga ana tjetër, vazhdon të mos jetë në maksimumin e tij fizik. Ideja është që në këtë sfidë t’u jepet hapësirë lojtarëve që kanë luajtur më pak këtë sezon, duke i aktivizuar ata si titullarë ose gjatë ndeshjes.
Një shembull konkret mund të jetë aktivizimi i Camarda, i cili në pjesën e dytë të sezonit gjeti hapësirë vetëm me ekipin e Milan Futuro. Ai po ashtu pret të kuptojë nëse do të qëndrojë apo do të huazohet.