14 Maj 2025
20:15
Telesport
Pas një sezoni të dështuar, Real Madrid po përgatitet për të shkëlqyer në Kupën e Botës për Klube, kompeticion i cili zhvillohet për herë të parë në këtë format dhe do të mbahet nga 15 qershori deri në 15 korrik.
Qëllimi i madrilenëve është të ngrenë trofeun në këtë kompeticion dhe për të arritur këtë gjë po punojnë që tani për formacionin titullar. Me largimin e Carlo Ancelotti-t me përfundimin e sezonit në La Liga, drejtimin e kipit do ta marrë Xabi Alonso, i cili pritet të përdorë skemën 4-4-2.
Ky formacion përfshin lojtarë të rëndësishëm si Courtois, Valverde, Bellingham, Vinicius Junior, Mbappe, të shoqëruar nga blerje kyçe si Alexander-Arnold, Huijsen dhe Alvaro Carreras. Pra, synimi i Perez është të paktën të përforcohet me 3 super lojtarë para 15 qershorit. Alexander-Arnold do të vijë si lojtar i lirë, ndërsa hujisen dhe Carreras kushton secili prej tyre të paktën 50 milionë euro.
Në rast se Reali arrin të konkretizojë transferimin e këtyre 3 lojtarëve para se të nisë Botërori i Klubeve, Alonso do të ketë një formacion të plotësuar dhe sigurisht që “Los Blancos” do të jetë favorit kryesor për të ngritur trofeun.