Mohamed Salah dhe Sadio Mane ishin një dyshe fantastike në fushë dikur dhe jo shumë kohë më parë, por jashtë saj nuk ishin aspak afër.
Kur Mane u largua nga Liverpool-i dhe vendosi të shkonte te Bayern Munich, pati zëra se ai nuk ishte në marrëdhënie të mira me Salah-un, sepse ndihej sikur ishte në hijen e tij, edhe pse kishte një
Ylli egjiptian dha një intervistë në të cilën u pyet për marrëdhënien e tij me yllin senegalez dhe dha këtë përgjigje:
“Po, është e vërtetë, kishte tensione midis meje dhe Mane. Por më lejoni t’ju kujtoj se ishim profesionistë deri në fund dhe kjo nuk pati asnjë ndikim në ekip”, tha Salah dhe shtoi:
“Është njerëzore të duash gjithmonë më shumë, e kuptoj këtë, ai është një konkurrent i shkëlqyer. Jashtë fushës nuk ishim aspak të afërt, por gjithmonë e respektonim njëri-tjetrin”.
Megjithatë, Salah nuk detajoi llojin e raporteve të tij të çala me Mane. Por kujtojmë se ata ishin njëherësh dhe dy muslimanë, ndaj ngjan paradoksale raporti i ftohtë mes tyre teksa besimi iu dikton të ndihen vëllezër.
Si përkujtim, Salah dhe Mane ndanë dhomën e zhveshjes në Anfield nga vera e vitit 2017 deri në fund të sezonit 2022/23, dhe në atë periudhë së bashku me Roberto Firminon, ata shënuan plot 338 gola. /tesheshi.com/