Sot shorti i “play-off”-it, sytë e kuqezinjve nga Zyrihu për të mësuar emrin e rivalit

Kuqezinjtë i kanë sytë sot nga FIFA, nga shorti për duelet e marsit që të çojnë në Kupën e Botës. Kështu, sot në Zyrih të Zvicrës, në orën 13:00, do të hidhet shorti i fazës “play-off” për Kupën e Botës 2026, ku Kombëtarja shqiptare do të mësojë kundërshtarin e gjysmëfinales si edhe rivalin e mundshëm për finalen e grupit që siguron një vend në Botërorin 2026. Shqipëria në shortin e “play-off”-it do të jetë e pozicionuar në vazon 3, së bashku me Irlandën, Bosnjë-Hercegovinën dhe Kosovën. Në total janë 16 skuadra që marrin pjesë në fazën “play-off” dhe ato ndahen në katër vazo, sipas renditjes së FIFA-s dhe kritereve të përcaktuara nga UEFA dhe FIFA. Shorti do të përcaktojë tetë gjysmëfinalet dhe katër finalet e...