Allegri rigjen lojtarin e preferuar, Rabiot rikthehet për ndeshjen e radhës ndaj Parma

4 Nëntor 2025 10:15 Telesport Kjo javë mund të jetë vendimtare për rikthimin e Adrien Rabiot në fushë. Mesfushori i Milan u dëmtua ndërsa luante për Francën muajin e kaluar, duke këputur muskulin soleus në pulpën e majtë. Siç raportohet nga “Gazzetta dello Sport”, ish-lojtari i Marsejës tani ndihet shumë më mirë fizikisht dhe thuhet se po përpiqet të kthehet në skuadër për ndeshjen jashtë fushe kundër Parma, këtë të shtunë. Megjithatë, stafi mjekësor i kuqezinjve preferon të vazhdojë me kujdes duke pasur parasysh zonën veçanërisht të ndjeshme të dëmtimit. Në ditët në vijim, do të jetë e qartë nëse Rabiot do të jetë i disponueshëm, të paktën në stol.