Nesër seanca për qeverinë në Kosovë, nëse Kurti dështon Osmani do t’i japë mundësinë partive të tjera

Presidentja e Kosovës Vjosa Osmani ka deklaruar se nëse nuk ka një marrëveshje për formimin e Qeverisë në seancën e së dielës, atëherë ajo do të ftojë partitë për të parë nëse ndonjëra mund të sigurojë 61 mandatet. “Në qoftë se ka marrëveshje, mund të mbahet seanca dhe mund të ketë qeveri. Në qoftë se s’ka marrëveshje, atëherë si presidente e vendit do t’i ftoj të gjitha partitë politike për të parë nëse ka mundësi që dikush ta krijojë shumicën, sepse mendoj që është përsëri herët të flasim për zgjedhjet e jashtëzakonshme, por ajo është një alternativë nëqoftëse nuk krijohet shumica”, tha Osmani. Sipas Kushtetutës, nëse Kurti s’arrin të formojë Qeverinë, atëherë Osmani ka detyrë që  brenda dhjetë ditësh t’i ftojë partitë për konsultime dhe...