Osmani takon komandantin e KFOR! Presidentja e Kosovës shpreh shqetësimin për provokimet e Serbisë

Presidentja e Kosovës Vjosa Osmani ka ngritur sërish shqetësimin nga kërcënimi i dronëve serb gjatë një takimi me komandantin e KFOR në Prishtinë. Në takim me gjeneralmajorin turk Ozkan Ulutash, i cili u riemërua komandant i KFOR-it javën e kaluar, Osmani bisedoi për zhvillimet në fushën e sigurisë. “Presidentja theksoi rëndësinë e koordinimit dhe bashkëpunimit të KFOR-it me institucionet e sigurisë me qëllim parandalimin e taktikave destabilizuese të Serbisë”, thuhet në njoftim e presidencës. Zyrtarë të Kosovës thanë në fund të shtatorit se hapësira ajrore e Kosovës ishte shkelur nga dronë të dyshuar serbë pa dhënë detaje të mëtejshme. Ndërsa KFOR sqaroi se nuk kishte vërejtur ndonjë dron që mund të ndikonte sigurinë e vendit. /vizionplus.tv