23 Shtator 2025
0:22
Telesport
Ousmane Dembele është kurorëzuar me Topin e Artë, duke hyrë në mesin e emrave më të mëdhenj të futbollit botëror.Sulmuesi i PSG-së pranoi çmimin nga legjenda braziliane Ronaldinho, në një mbrëmje magjike ku emocionet e tij nuk munguan.
“Është e pabesueshme ajo që më ndodhi. Jam pa fjalë. Ka qenë një sezon i jashtëzakonshëm dhe kam përjetuar gjëra të mrekullueshme. Të fitosh këtë trofe dhe që Ronaldinho të ma dhurojë është diçka e jashtëzakonshme.
Dua të falënderoj PSG-në, që më mori në vitin 2023. Presidentin, të gjithë ekipin dhe stafin që janë si një familje e mrekullueshme. Luis Enrique është bërë si një baba për mua. Faleminderit edhe të gjithë shokëve të skuadrës, sepse ky është një çmim individual, por në fakt e fitojmë të gjithë si ekip,
Faleminderit Rennes, Dortmundit dhe Barcelonës, klubi që gjithmonë kam ëndërruar të luaj. Aty pata mundësinë të mësoja nga lojtarë si Messi dhe Iniesta. Kam punuar gjithmonë për ekipin për të fituar trofe të mëdhenj, si Liga e Kampionëve dhe Ligue 1. Falenderoj edhe nënën time”.