Abissnet Superore ecën sot me dy sfida të tjera të raundit të dytë sezonal. Pas tre barazimëve në po aq takime zhvilluar dje; Flamurtari- Bylis 3-3, Partizani- Teuta 0-0 dhe Egnatia -AF Elbasani 1-1 kjo e diel e ditës së fundit të muajt gusht përball Vorën me Tiranën në Laç (17:00) dhe supersfidën e mbrëmjes në “Elbasan Arena” Dinamo Siti- Vllaznia (20:00).
Në Vora-Tirana gjithëçka mund të ngjasë. Fakti që skuadra e Arjan Bellait vjen në Superiore me shumë përforcime por dhe performanca e mirë në debutimin absolut në nivelin më të lartë të futbollit shqiptar ndaj Partizanit (java e parë humbur 1-0), rrit premisat për një tjetër shfaqje sportive me nivel. Sulmuesi kryesor Ruzgis do t’i mungojë gjatë mirpo afrimet e verës Luis Felipe, Bernard Karrica, Serjan Repaj e ndonjë tjetër janë aty.
Në kahun tjetër Tirana e re me Vangjel Milen në timon. Klubi më i titulluar në vend ka operuar ndjeshëm në merkao dhe ka kryer fazën përgatitore në Turqi për të konsoliduar elementin e ri me atë ekzistues. Në xhiron e parë bardheblutë barazuan në Ballsh 0-0 me Bylis ndërsa sot pritet që grupi me risitë e verës Tafas në portë, Valerianos, Tabeku, Patsatsia si dhe të rekuperuarin Emanuel Ernest të bëjnë rezultat pozitiv.
Vazhdo leximin