Të enjten në orën 18:00 me atë shqiptare do hidhet shorti për ndeshjet e fazës së ligës në Champions League. 36 skuadrat e kualifikuara do mësojnë tetë rivalët, ndërsa një ekip katër ndeshje do i zhvillojë si pritës dhe katër si udhëtues, me rivalë të ndryshëm.
Njëjtë si një sezon më parë, 36 skuadrat do renditjen në një tabelë të vetme në bazë të pikëve të grumbulluara, me UEFA-n që e ka ndryshuar formatin e Champions League, duke e përngjasuar me ato të kampionateve, por me numër më të madh skuadrash.
Rregullat e shortit dhe përzgjedhja e automatizuar
36 ekipet pjesëmarrëse do të ndahen në katër vazo bazuar në renditjen e tyre individuale të koeficientëve, me fituesin e fundit të Champions League (PSG) që do të jetë i pari në Vazon 1. Duke filluar me Vazon 1, do të tërhiqet një top fizik përpara se softueri i automatizuar, që është përdorur tashmë vitin e kaluar, të tërheqë tetë kundërshtarë për to, duke marrë parasysh parimet e mëposhtme:
Dy ekipe nga secila prej katër vazove, me një ndeshje në shtëpi dhe një ndeshje jashtë fushe, të gjitha në mënyrë rastësore dhe të zgjedhura nga softueri.
Klubet nga i njëjti vend nuk mund të përballen me njëra-tjetrën dhe asnjë ekip nuk do të luajë më shumë se dy ndeshje kundër klubeve nga i njëjti komb.
E njëjta procedurë do të përsëritet për të gjitha ekipet e tjera derisa të jenë përcaktuar të gjitha çiftet.
Skuadrat e kualifikuara deri tani:
Në Champions League e këtij sezoni do të jenë gjashtë klube nga Premier League angleze: Liverpool, Manchester City, Chelsea, Tottenham Hotspur, Neëcastle United dhe Arsenal.
Pesë ekipe spanjolle do të përfaqësojnë La Ligën: Real Madrid, Barcelona, Atletico Madrid, Athletic Club dhe Villarreal.
Italia dhe Gjermania kanë secila nga katër vende:
Nga Serie A: Napoli, Inter, Atalanta, Juventus
Nga Bundesliga: Bayern Munich, Bayer Leverkusen, Eintracht Frankfurt, Borussia Dortmund
Franca ofron tre klube, përfshirë kampionët në fuqi Paris Saint Germain, së bashku me Monacon dhe Marseille.
Nga Holanda, janë kualifikuar PSV Eindhoven dhe Ajax.
Përfaqësues të tjerë përfshijnë:
Sporting Lisbon (Portugali)
Union Saint-Gilloise (Belgjikë)
Galatasaray (Turqi)
Olympiacos (Greqi)
Slavia Pragë (Çeki)
Tre debutues:
Kairat Almaty (Kazakistan)
Pafos FC (Qipro)
Bodo/Glimt (Norvegji)
Katër biletat e mbetura do jepen sot me këto përballje:
Champions League, ndeshjet e kthimit play-off:
18:45 Qarabag – Ferencvaros (3-1)
21:00
Benfica – Fenerbahce (0-0)
Club Brugge – Rangers (3-1)
FC Copenhagen – Basel (1-1)
*Në kllapa rezultatet e ndeshjeve të para
Kur dhe ku do të zhvillohet finalja e Ligës së Kampionëve në vitin 2026?
“Puskas Arena” në Budapest të Hungarisë do të jetë vendi ku ndeshjet e Champions League do të arrijnë kulmin më 30 maj 2026.
Nesër hidhet shorti në grupin e Champions League, ja 32 klubet e kualifikuara deri tani
