Para 75 000 tifozëve skuadra e Alegrit dështon të marrë pikë. Debutuesja e mposht në ‘San Siro’
Sezoni 2025-2026 i Serie A nisi me një surprizë të madhe: Kremonese, e sapongjitur në Serie A, mposhti Milanin 2-1 në San Siro, duke prishur rikthimin e Masimiliano Alegrit te kuqezinjtë pas më shumë se 11 vitesh. Një prezantim zhgënjyes për të gjithë përfshirë dhe drejtorin Tare për të cilin ishin folur fjalë të mira për punën e bërë këtë merkato.
Ndërkaq, në këtë javë të parë në Serie A, Roma fitoi 1-0 me Bolonjën, Napoli mori tri pikë (0-2) në fushën e Sasuolos ndërsa Xhenova- Leçe u ndal pa gola 0-0
Bonifejs:
“Po e vlerësojmë plotësisht shëndetin e lojtarit; cilësitë e tij janë të padiskutueshme. Po përpiqemi të marrim vendimin e duhur”, tha drejtori sportiv i Milanit, Igli Tare, për DAZN para ndeshjes Milan-Kremonese në lidhje me Viktor Bonifejs. Të shtunën në mëngjes, nigeriani përfundoi raundin e tretë të vizitave mjekësore, por klubi kuqezi nuk ka vendosur ende nëse do ta nënshkruajë apo jo sulmuesin, i cili po largohet nga Bayer Leverkusen./Foto X/ Sportiim.al/
Vazhdo leximin