Kosovë/ Pas 3 javësh kaos, deputetët kthehen sot në Kuvend

Pas gati tre javësh bllokadë, deputetët e Kuvendit të Kosovës do të mblidhen sot për vazhdimin e seancës konstituive të Kuvendit. Deputetët i rikthehen përpjekjeve pas aktgjykimit të Gjykatës Kushtetuese që i detyron ata që të konstituojnë Kuvendin brenda 30 ditësh. Seanca do të nisë në orën 11:00, ku në rend dite janë dy pika: zgjedhja e kryeparlamentarit dhe nënkryetarëve. Ky afat një mujor nisi të hënën e 18 gushtit pas publikimit të aktgjykimit të plotë nga Gjykata Kushtetuese. Gjykata urdhëroi zgjedhjen e kryeparlamentarit të ri përmes votimit të hapur, duke e hedhur në votim të njëjtin kandidat jo më shumë se tre herë. pas publikimit të vendimit, kryeministri në detyrë, njëherësh udhëheqësi i LVV-së, Albin Kurti, tha se gjithmonë i ka respektuar vendimet e...