Belgu Remko Evenepoel, dhuroi sot një super shfaqje sportive mbi biçikletë për të fituar garën e parë kronometër të Tour de France teksa kampioni në fuqi Tadej Pogaçar mbylli i dyti por duke rrëmbyer fanellën e verdhë.
Evenepoel, kampioni olimpik dhe botëror në garën kohore, pritej të fitonte fazën në mungesë të specialistëve të garës kohore – Filipo Gana dhe Stefan Biseger, të cilët të dy u rrëzuan dhe dolën nga gara në ditën e parë të Tour javën e kaluar.
Etapa e 5-të, kryesisht fushore, prej 33 kilometrash në Normandi, favorizoi çiklistë të fuqishëm si Evenepoel, i cili kishte fituar një garë kronometër në një mënyrë të ngjashme vitin e kaluar, ndërsa çiklisti belg përfundoi i treti në renditjen e përgjithshme.
Evenepoel, ka lënë prapa plotësisht lëndimet e shumta të pësuara në një aksident të madh vitin e kaluar, sot ishte 16 sekonda më i shpejtë se Tadej Pogaçar teksa Edoardo Afini, kampioni europian i garës kronometër, ishte i treti me 33 sekonda prapa vendit të parë.
Rënditja pas 5 etapave të para të Turit të Francës 2025
Vazhdo leximin