Alarm për Ebolën në Kongo, epidemia po përhapet me shpejtësi

Mungesa e infrastrukturës shëndetësore po vështirëson përpjekjet për të frenuar shpërthimin e Ebolës në Kongo, kanë paralajmëruar punonjës të ndihmës humanitare dhe ekspertë të shëndetësisë që operojnë në zonat e prekura. Ekspertja gjermane e mjekësisë, Gisela Schneider, deklaroi se kolegët e saj në provincën Ituri, e konsideruar epiqendra e shpërthimit, po përballen me vështirësi serioze për diagnostikimin e rasteve të dyshuara. Sipas saj, mostrat biologjike nga pacientët duhet të transportohen rreth 1,700 kilometra drejt kryeqytetit Kinshasa, pasi në zonën e prekur mungojnë laboratorët e specializuar për analizimin e virusit. Autoritetet në Kongo kanë raportuar deri tani rreth 930 raste të dyshuara me Ebola dhe afro 220 viktima që dyshohet se lidhen me shpërthimin. Gisela Schneider theksoi gjithashtu se aktualisht nuk ekziston një test i shpejtë...