“San Siro” refuzohet nga UEFA, stadiumi legjendar nuk mund të presë “Euro 2032”

Stadiumi legjendar “San Siro” nuk do të jetë pjesë e arenave pritëse për Kampionatin Evropian “Euro 2032”. Vendimi u konfirmua pas një takimi të mbajtur në ‘Palazzo Marino’, selia e Këshillit Bashkiak të Milanos, ku morën pjesë përfaqësues të Interit, Milanit, Federatës Italiane të Futbollit (FIGC), UEFA-s dhe vetë kryebashkiaku Giuseppe Sala. Pavarësisht se Milano përmbush të gjitha kriteret e UEFA-s në lidhje me infrastrukturën, transportin dhe kapacitetet e akomodimit, stadiumi “San Siro” nuk i plotëson më standardet moderne të kërkuara për organizimin e një kompeticioni të tillë. Takimi ishte pjesë e një cikli me njëmbëdhjetë mbledhje të planifikuara, që...