Gjykata Speciale zgjat paraburgimin për Hashim Thaçin dhe tre të bashkëakuzuar të tjerë

Gjykata Speciale në Hagë ka vendosur të zgjatë masën e paraburgimit ndaj ish-Presidentit të Kosovës, Hashim Thaçi, si dhe ndaj Bashkim Smakajt, Isni Kilajt dhe Fadil Fazliut, të cilët po përballen me akuza për krime lufte dhe pengim të drejtësisë. Vendimi u mor më 5 gusht nga gjyqtarja e procedurës paraprake, Marjorie Masselot, e cila vlerësoi se paraburgimi i tyre mbetet proporcional dhe i nevojshëm për mbarëvajtjen e procesit gjyqësor. Rreziku i ndikimit në procedura Në arsyetimin e saj, gjyqtarja Masselot vuri në dukje se për Hashim Thaçin vazhdojnë të ekzistojnë dyshime të bazuara për veprat penale për të cilat akuzohet, si dhe rreziku real i ndërhyrjes në procedurat e Gjykatës. “Veprimet e Thaçit tregojnë për këmbëngulje në përpjekjet për të penguar procedurat e DhSK-së...