Michael Jordan kundër Nascar: Akuza për monopol trondit botën e garave automobilistike

Legjenda e NBA-së, Michael Jordan, ka paditur Nascar-in, kompaninë më të madhe të garave automobilistike në SHBA, duke e akuzuar për operimin e një monopoli të paligjshëm që ka dëmtuar financiarisht ekipin e tij, 23XI Racing. Të hënën, Jordan ishte i pranishëm në sallën e gjyqit për ditën e parë të procesit, ku dëgjoi dëshminë e bashkëpronarit të ekipit, pilotit të famshëm Denny Hamlin. Jordan dhe Hamlin, së bashku me ekipin Front Row Motorsports, akuzojnë Nascar-in se ka përfituar në mënyrë të paligjshme qindra miliona dollarë duke penguar konkurrencën. Ata pretendojnë se Nascar ka frenuar inovacionin duke i detyruar ekipet të përdorin makinat e saj “Next Gen” dhe të blejnë pjesë vetëm nga furnitorë të licencuar. Padia, e ngritur në tetor 2024, argumenton gjithashtu se...