Tirana duket “e mallkuar”! Fati nuk i përgjigjet në humbjen me Egnatian, Dinamo ul ritmin

Në ditën e sotme janë luajtur dy ndeshjet e tjera të Superiores. Bylis-Dinamo është mbyllur në rezultatin 0-0, ndërsa nga ana tjetër, Tirana ka humbur në shifrat 0-1 ndaj Egnatias. Bardheblutë vazhdojnë të marrin rezultate jo të mira, megjithëse këtë herë fati nuk iu përgjigj ndaj Egnatias. Goli i Bakayoko në minutën e 27 vendosi historinë e këtij takimi. Nga krahu i Tiranës janë humbur disa mundësi të pastra shënimi të golit, duke gabuar në momentin e fundit ku topi duhet të dërgohet në rrjetë. Nga krahu tjetër ndeshja mes Bylisit dhe Dinamos ka përfunduar 0-0, pa gola të shënuar, ndërsa Dinamo mban ritmin e ulët të ndeshjeve të fundit duke mos grumbulluar pikët që të gjithë mendonin. /Sport Ekspres/