Xhiruan gomat e makinave në mes të natës në bulevardin e Durrësit, nis hetimi për dy të rinjtë

Dy të rinj janë nën hetim, pasi gjatë natës xhiruan gomat e makinës në Bulevardin Dyrrah të Durrësit. Procedimi penal nisi ndaj shtetasve A. Ll., 30 vjeç, banues në Durrës, dhe K. K., 21 vjeç, banues në Durrës. “Prishën qetësinë publike gjatë natës, me zhurmat e marmitave të automjeteve që drejtonin dhe duke xhiruar gomat, në Bulevardin Dyrrah, Durrës, procedohen penalisht dy drejtuesit e automjeteve. Sekuestrohen 2 automjete, tip Audi dhe BMË, dhe një fenelinë. Gjatë patrullimeve 24-orëshe, me objektiv garantimin e sigurisë publike dhe parandalimin e paligjshmërive, shërbimet e Patrullës së Përgjithshme të Komisariatit të Policisë Durrës konstatuan gjatë natës se 2 të rinj po shqetësonin banorët dhe qytetarët në Bulevardin Dyrrah dhe në zonën përreth, nëpërmjet gjenerimit të zhurmave nga sistemet e shkarkimit...