29 Nëntori/Homazhe në varrezat e Dëshmorëve për ditën e Çlirimit të vendit. Të pranishëm Begaj, Rama dhe Peleshi

Një ditë pas festimeve të Pavarësisë, Shqipëria përkujton sot 81-vjetorin e Çlirimit nga pushtuesit nazistë. Ashtu si çdo vit, figurat më të larta të shtetit po zhvillojnë homazhe në Varrezat e Dëshmorëve të Kombit, duke nderuar sakrificën dhe heroizmin e atyre që luftuan për liri. Të pranishëm janë presidenti Bajram Begaj, kryeministri Edi Rama, kryetari i Kuvendit, Niko Peleshi, ministri i Mbrojtjes, Pirro Vëngu, kryetarja e komanduar e bashkisë së Tiranës, Anuela Ristani. Kryeministri Edi Rama ka bërë një urim përmes postimit të përditshëm të mëngjesit në rrjete sociale, i cili teksa ka ndarë një foto nga Memoriali “Nëna Shqipëri”, ka shkruar:“Me urimin për festën kombëtare të çlirimit, ju uroj të gjithëve një fundjavë të paqtë”. Shqipëria u çlirua nga forcat fashiste dhe naziste më...